يوم 29 مارس الجاي هو ميعاد أولى حفلات الفنان محمد رمضان الشهير بـ”نمبر وان” والليّ المفروض هـ يغنيها فيها حوالي 15 أغنية، من الأغنيات اللي قدمها في أعماله الفنيّة والكليبات.
محمد رمضان قرر ان أيّ حد يوم عيد ميلاده 29 مارس هـ يقدر يدخل حفلته بـ بلاش، يعني يظهر بطاقته لـ أفراد الأمن ويدخل عادي.
اقرأ أيضًا: ممكن تدفع 1000 جنيه عشان تدخل حفلة محمد رمضان ؟!
لكن إشمعنى؟
على انستجرام نشر محمد رمضان جزء من كليب أغنية “القمر” اللي هـ يغنيها في الحفلة، وفي التعليقات كتب واحد من مُعجبي “نبر وان” إنه عيد ميلاده هو يوم 29 مارس وعايز تذكرة هدية.
بسرعة محمد رمضان رد عليه وقال إنّ مش هو بس اللي هـ يكون له تذكرة هدية عشان عيد ميلاده، كمان أيّ حد اتولد في اليوم ده هـ يقدر يدخل الحفلة بـ دون أي مقابل، وبالبطاقة الشخصية.
Comments
Loading…