تعرّضت واحدة ست في حديقة حيوانات “أريزونا” في أمريكا لـ هجوم من نمر ضخم “جاكوار”، لمّا كانت بـ تحاول تـ تصور صورة سيلفي.
النمر هجم على الست لما اتشعلقت في سور الحظيرة بتاعته عشان تقرب منه أكتر وتاخد صورة أحسن، وغالبًا التطفل ده أزعج النمر وقرر إنه يعاقبها ويهجم عليها بكل عنف.
اقرأ أيضًا: أبطأ رجل في العالم: يمشي مع سلحفاة يوميًا لمدة 20 سنة
شاهد عيان كان موجود لحظة الحادثة، وقال إن الست كانت بـ تحاول تاخد صورة سيلفي مع النمر يوم السبت اللي فات ومالحقتش لأن النمر هجم عليها بعد ما قربت واتشعقلت في السور.
الست اتصابت إصابة كبيرة في دراعها، وتم استدعاء المُسعفين لإنقاذها داخل الحديقة وتم فتح تحقيق في الواقعة.
مدير حديقة الحيوان “ميكي أولسون” قال إنّها المرة التانية خلال شهر واحد يهجم النمر على الزوار.
وقالت حديقة الحيوان إنهم ما يقدروش يتخلصوا من النمر.
ونشرت صفحة الحديقة على تويتر تويتة بـ تقول: “نوعدكم إن مافيش أيّ حاجة هـ نعملها ضد النمر”.
وأوضحت الحدية إن النمر من فصيلة الحيوانات البريّة، وموجود في حظيرة لها حواجز مناسبة تضمن الحفاظ على سلامة الزوّار، وإنّها مش غلطة الحيوان لمّا حد يحاول يعبر الحواجز بتاعته.
Comments
Loading…