روبوت جنسي جديد بتكلمك وتحس بيك.. وبتشتغل بالأندرويد!

روبوت جنسي جديد ظهر في الأسواق الأمريكية وتمنه حوالي 8 آلاف دولار (140 ألف جنيه مصري)، والروبوت ده مختلف عن أيّ عروسة جنسية تانية ظهرت في السوق، وده لأنك بـ تقدر تتحكم في كل تفاصيل الروبوت تقريبًا، من أول لون شعرها لحد شكلها ولون البشرة.

الروبوت الجديد بـ تتفاعل بشكل كبير مع الشخص اللي بـ يستعملها، بتتكلم وبـ تقول تفاصيل كأنها حقيقية!

اللي شغالين على الروبوت ده بقالهم حوالي 3 سنين بـ يطوروا فيه عشان يبقى قريب من تفاعلات الست العادية!

وبـ تقول مديرة الشركة المنتجة للروبوت إنهم بـ مجرد ما أعلنوا عن إتاحة الروبوت لـ البيع، باعوا 350 قطعة منه.

اقرأ أيضًا: قُبلة رامي مالك لصديقته بعد إعلان فوزه بـ الأوسكار أحسن ممثل

الجديد في الروبوت كمان إن عينيها فيها كاميرا مش باينة، عشان تـ قدر تـ شوف اللي بـ يتفاعل معاها وتـ حسسه إنها شايفاه.

وبشرتها اللي مصنوعة من السيليكون مزوّدة بـ سينسور يقدر يحس بـ أيّ لمسة.

الروبوت فيها واي فاي وبلوتوث، وده عشان بـ يتم ربطها بـ الموبيل، عن طريق أبليكيشن بـ يتحمّل من على google play.

ومن خلال الأبليكيشن بـ تقدر تتحكم في الروبوت وتظبط الإعدادات حسب مزاجك، ومن ثم بـ تتفاعل الروبوت حسب مزاجك بس بـ شكل أقرب لـ الحقيقة.

واحد من اللي اشتروا، بـ يقول إنه ما لقاش اختلاف كبير بين الروبوت وبين الست العادية!
ولما جه يقيمها إداها 8 من 10.