فيديو: بحار روسي سكران رشق في كوبري وسفينة

شرب الخمور من الأمور العادية في روسيا، لكن طبعًا المفروض الموضوع يكون له ضوابط خصوصًا لو متعلق بالشغل وقيادة سفينة ضخمة!

القنوات الروسية اتكلمت اليومين اللي فاتوا عن حادثة غريبة حصلت في كوريا الجنوبية.. قبطان سفينة روسيّة رشق في كوبري كبير في كوريا الجنوبية.

الحادثة حصلت بسبب إن البحار كان شارب كمية خمور كبيرة لدرجة إنه سِكر جدًا، ومبقاش شايف قدامه، ماشافش الكوبري أصلًا.

واتسبب القبطان الروسي في تدمير جزء من السفينة اللي وزنها 6 آلاف طن، وعمل حفرة كبيرة في الكوبري وصل عمقها 5 متر!

المشكلة مش في كدا كمان، المشكلة إن ده أصلًا ما كانش طريق القبطان، وكان المفروض يبحر في الطريق المعاكس زي ما السلطات الكورية الجنوبية قالت.

وتجاهل القبطان التحذيرات من حرس السواحل لتغيير المسار، مش لأنه سكران بس، بس كمان عشان هو مش بـ يفهم إنجليزي، وهما كانوا بـ يكلموه إنجليزي!

اقرأ أيضًا: تحدي مومو: لعبة جديدة تأمر الأطفال بـ الانتحار خلّي بالك على ولادك

وبعد أقل من ساعة على تدمير الكوبري، رشق القبطان بـ سفينته في سفينة سياحية راسية على نفس الميناء.