السنة اللي فاتت كان في لعبة اسمها “الحوت الأزرق” مسيطرة على أخبار السوشيال ميديا، لأنها كانت أخطر لعبة ظهرت أونلاين، واتسببت في وفاة كتير من الأطفال في مصر وبرا مصر.
في شهر يوليو اللي فات ظهرت لعبة جديدة اسمها “تحدي مومو”، أخطر من الحوت الأزرق، بـ تقنع الأطفال إنهم يـ قتلوا نفسهم سواء عن طريق الشنق أو قطع الشراين
اختفت اللعبة وبعيدن رجعت تاني الأيام اللي فاتت واتسببت في وفاة أطفال كتير في أنحاء العالم
اللعبة منتشرة ضمن مقاطع فيديو كتير مرفوعة على موقع يوتيوب ويوتيوب كيدز وألعاب أطفال أونلاين.
يبقى الطفل قاعد بـ يتفرج على فيديو كارتون مثلًا أو بـ يلعب، وتظهر فجأة شخصية “Momo” وتبدأ تتكلم وتطلب من الطفل طلبات مرعبة، زي إنه يقوم يقتل أخوه أو مامته أو يقتل نفسه!
اقرأ أيضًا: غير PUBG.. اعرف أشهر الألعاب في تاريخ الإنترنت
مدارس بريطانيا أعلنت حالة الطوارئ مؤخرًا بعد ما زادت أعداد الأطفال اللي انتحرت بسبب اللعبة، وأطلّقت حملة تحذيرات لأهالي الأطفال والتلاميذ.
اللبعة بـ تأثر جدًا في دماغ الأطفال وبـ تقدر تقنعهم بشكل غريب.. خليّ بالكم على ولادكم
Comments
Loading…