محطة مصر في ميدان رمسيس بـ القاهرة حصل فيها النهارده الصبح حريق كبير لـ درجة إن الأدخنة كانت مغطية جزء كبير من السماء في المنطقة المحيطة بالمحطة.
وزي ما نشرت جريدة الشروق، في مصادر بـ تقول إن 24 شخص ماتوا نتيجة الحريق، و50 تانيين اتصابوا
https://www.youtube.com/watch?v=FnEfhJQR-mc
الحريق مش عمل إرهابي، لكنه زي ما قالت مصادر لـ صحف مصرية، اندلع بسبب دخول أحد القطارات لـ المحطة على رصيف رقم 7 بسرعة عالية واتصدم بـ صدادات المحطة.
ومن شوية أصدرت هيئة السكة الحديد تعليمات بـ إيقاف حركة القطارات في محطة مصر بعد الحريق.
وفرضت قوات الأمن كردون أمني في محيط موقع الحريق، ومنعت المواطنين من الاقتراب منه.
اقرأ أيضًا: خليها تكاكي.. هـ تشارك في حملة مقاطعة الفراخ؟
وانتقلت بـ سرعة سيارات الإطفاء لـ محطة مصر لـ السيطرة على الحريق، وبدأت سيارات الإسعاف في الانتشار فى محيط المحطة..
وزير النقل هشام عرفات لما عِرف بـ الخبر، اتوجه بـ سرعة لـ المحطة، وأمر بـ تشكيل لجنه فنية لـ معرفة سبب التصادم وانفجار تانك السولار الخاص بـ الجرار.
Comments
Loading…