أعلنت المطربة أنغام عن زواجها لـ المرة الرابعة، والزوج برضه من الوسط الفني، اسمه أحمد إبراهيم، بـ يشتغل موزع موسيقي.
تعاون أحمد مع أنغام فى 6 أغنيات ضمن 14 أغنية بفي الألبوم الجديد اللي اسمه “حالة خاصة جدًا”، وهي (حالة خاصة جدًا، هتقول لربنا إيه، حبايبنا، على حسك فى أيامي، ولادبلت، متطمنة).
على صفحته على إنستجرام نشر أحمد الصورة الرئيسية للألبوم، وكتب: “ألف مبروك يا حبيبتى ربنا يسعدك وينجحك”، وعمل لـ أنغام منشن.
أنغام كمان ردت على البوست وقالت: “مبروك علينا يا حبيبى”.
من ناحية تانية قررت الزوجة الأولى لـ الموزع أحمد إبراهيم “ياسمين عيسى” إنها ترفع قضية طلاق بعد إعلان أحمد عن زواجه من أنغام.
اقرأ أيضًا: مش بـ تبوس رجالة.. اعرف أغرب تصريحات شيرين عبد الوهاب
وكانت أقاويل كتيرة في الوسط الفني أكدت أن الزواج بين أنغام وأحمد تم خلال الأسابيع اللي فاتت، وبعدها سافر الإتنين السعودية علشان أداء العمرة.
أنغام وأحمد إبراهيم قضوا شهر العسل فى باريس يوم 19 يناير، يعني فى نفس يوم عيد ميلادها.
Comments
0 comments