سرعة النت في مصر أبطأ من سوريا والعراق.. إيه رأيك؟

وانت بـ تقرا المقال ده، ممكن تكون بـ تعاني من بُطئ في سرعة النت، ولو كنت داخل من واي فاي ممكن تكون بـ تفكر تـ تصل بالشركة، أو لو كنت فاتح من الداتا، عمّال تقفل وتفتح في الداتا من غير أي فايدة.

الحقيقة المشكلة عامة، النت في مصر مش أحسن حاجة، رغم التطور الكبير اللي حصل في الشبكات والكابلات السنين الأخيرة، لكن لسة برضه مش مبسوطين من سرعة التحميل والأبلود.

اقرأ أيضًا: ادخل ما تخافش.. أشهر أماكن الرُعب في مصر

موقع speedtest المتخصص في قياس سرعات النت للعالم، بـ ينشر كل فترة إحصائية عن حالة شبكة الإنترنت في العالم، وسرعتها والاختلافات في الأبلود والداونلوند لـ كل بلاد العالم تقريبًا.

وفي الإحصائية اللي خاصة بـ شهر فبراير، جت مصر في المركز الـ 166، متأخرة بـ 47 مركز عن الإحصائية اللي قبلها.

وبـ حسب الإحصائية، جت سوريا في المركز الـ158، والعراق في المركز الـ132، وفلسطين في الـ133، وأفغانستان في الـ136.

[yop_poll id=”8″]