in

بعد ظهور بيكهام بالميك أب.. المكياج هـ يبقى موضة جديدة للرجالة؟!

المكياج

من حوالي شهر في مجموعة بنات سوريات أطلقوا حملة ضد استخدام المكياج، وقالوا إن ده هـ يكون تحدي للبنات اللي يقدروا يعيشوا شهر بدون ما ستخدموا أي مساحيق تجميل.. مش ده المهم، المهم أن في موضة جديدة ظهرت مؤخرًا بـ خصوص عمل مكياج لـ الرجالة!

المكياج هـ يبقى موضة جديدة لرجالة؟!
المكياج هـ يبقى موضة جديدة لرجالة؟!

BBC نشرت تقرير بـ تتكلم فيه عن الموضوع امبارح 12 فبراير، تحت عنوان “هل يصبح استخدام الرجال لـ مساحيق التجميل أمرا مألوفا؟”.

في بداية السنة دي ظهر نجم الكرة الإنجليزية ديفيد بيكهام على غُلاف مجلة The love وهو راسم تاتو لـ زهور خضرا وطيور على رقبته وحاطط مكياج على وشه.

بعد ظهور بيكهام بالميك آب.. المكياج هـ يبقى موضة جديدة لرجالة؟!
بعد ظهور بيكهام بالميك آب.. المكياج هـ يبقى موضة جديدة لرجالة؟!

وبـ تقول “ميراندا جويس”، المتخصصة في المكياج واللي شاركت في سيشن التصوير الخاص بـ ديفيد بيكهام إن “الإضاءة وزاوية تصوير ديفيد فكرتني بـ ديفيد سيلفيان من فرقة جابان في السبعينات والثمانينات من القرن اللي فات”.

وبـ تضيف: “كنت عارفة أن صورة ديفيد بيكهام هـ تلاقي رواج كبير حتى رغم إنها المرة الأولى اللي بـ يحط فيها بيكهام يمكياج”.

اقرأ أيضًا: الكلام جاب بعضه واتخطبوا من على لعبة PUBG.. ممكن تتجوز بنفس الطريقة؟

BBC بـ تقول كمان إن دي ماكانتش المرة الأولى اللي يستخدم فيها الرجالة المكياج في التجميل، وإن الإسكندر الأكبر (مُنشئ الإسكندرية) كان عاشق لمكياج.

لكن بعد ظهور بيكهام على غلاف مجلة “لاف” بـ المكياج هل هـ يبقى استخدام الرجالة للمكياج موضوع عادي؟!

شركات تجميل كبيرة زي “شانيل” و”توم فورد” بدأت تنتج مساحيق تجميل خاصة للرجال.

وبـ يقول “جلين جانكوفسكي” المحاضر في كلية العلوم الاجتماعية بـ جامعة بيكيت في ليدز: “الرجالة اتعلموا ان المكياج مش ليهم، على الرغم ان الرجالة بـ تصرف كتير على شكلها وشياكتها.. الرجالة لسة شايفة ان المكياج مخصص لـ الستات فقط”.

بعد ظهور بيكهام بالميك آب.. المكياج هـ يبقى موضة جديدة لرجالة؟!
صورة للمدون جيمس تشارلز مع كيم كاردشيان ويست في لوس أنغليس عام 2017

وبـ يضيف: “بـ تحليل العرايس البلاستيك والألعاب التي بـ تتباع في كل مكان للأطفال الذكور هـ نلاقي أنها بـ تركز على القوة والشجاعة وعدم الاهتمام بالمظهر، لكن بـ النسبة لـ البنات فـ بيكون التركيز على الجمال والمكياج أكبر”.

اقرأ أيضًا: منى وشيما بيصلوا الفجر ومستنيين البراءة.. شايفهم ضحايا؟

BBCبـ تأكد أن منتجات التجميل والعناية بـ الرجال في الازدياد بـ شكل مستمر خلال الفترة الأخيرة، وارتفعت قيمة الصناعة دي لـ 57.7 مليار دولار عام 2017.

المكياج هـ يبقى موضة جديدة لرجالة؟!
جيفري ستار وماني غوتيريز وجيمس تشارلز أثناء اطلاق “كيه كيه دبليو” لمستحضرات للتجميل في لوس أنغليس

وحسب كلام مؤسسة “ريسيرش آند ماركيتس”، من المتوقع أن ترتفع القيمة دي لـ 78.6 مليار دولار بـ حلول سنة 2023. والموضوع مش هـ يقتصر على مستحضرات تجميل “نيفيا” فقط، لكن كمان الموضوع هـ يوصل لـ كريمات الترطيب وأقلام تحديد الحواجب، وغيرها.

بواسطة مصطفى ماهر

ما هو رأيك ؟

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0
عمرو أديب

عمرو أديب لـ ابن مبارك “هـ تعلمني الأدب؟”.. وعلاء: “هـ علمك الرجولة”

الربح من الانترنت استغل وقتك واعرف ازاي تكسب فلوس في البيت