in

بيل جيتس: أنا ما أستحقش أبقى غني.. حد يكفر بالنعمة يا بيل؟!

بيل جيتس مؤسس شركة مايكروسوفت واحدة من أكبر وأهم الشركات في العالم، واللي مُصنف كـ تاني أغنى شخص على كوكب الأرض بـ يقول في حوار اتنشر امبارح في الصحف العالمية إنه مايستحقش يبقى غني قوي كدا!

بيل جيتس: أنا ما أستحقش أبقى غني
بيل جيتس: أنا ما أستحقش أبقى غني

وبـ يقول جيتس كمان إنه دفع 10 مليار دولار ضرايب خلال مسيرته المهنية اللي بدأت سنة 1975، وبـ يوضح أنه كان المفروض يدفع ضرايب أكتر بـ كتير من كدا!

اقرأ أيضًا: بعد ظهور بيكهام بالميك آب.. المكياج هـ يبقى موضة جديدة للرجالة؟!

بيل جيتس: أنا ما أستحقش أبقى غني
بيل جيتس: أنا ما أستحقش أبقى غني

بيل جيتس اللي معاه ثروة بـ تُقدر بـ 90 مليار دولار بـ حسب إحصائية مجلة Forbes الإقتصادية السنة اللي فاتت، بـ يقول إن كل الأغنياء في العالم ما يستحقوش يبقوا أغنية برضه.

بيل جيتس بـ يأكد لنا إن حصوله على الثروة دي جه بمرور الوقت، وعن طريق الكتير من الحظ وعن طريق الناس اللي اشتغل معاهم، وبـ يضيف: “أيوة أنا طبعًا اشتغلت بكل جهد، وأعتقد انه مجال البرمجيات كان مهم ومفيد لكن أنا استفدت من السوق والبنيّة بتاعته”.

بيل جيتس: أنا ما أستحقش أبقى غني
بيل جيتس: أنا ما أستحقش أبقى غني

بيل جيتش مش عايز ولاده يبقوا أغنية وبـ يقول: “أعتقد إنه مش هـ يكون كويس لـ ولادي ولا لـ المجتمع إني أديهم كل الفلوس دي”!

بيل جيتس اعتزل العمل في مجال البرمجيات سنة 2008، ومن وقتها وهو مهتم بالأعمال الخيرية، وبـ يتبرع بمبالغ كبيرة لصالح الأعمال الخيرية.

بواسطة مصطفى ماهر

ما هو رأيك ؟

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0
عمرو أديب

عمرو أديب لـ ابن مبارك “هـ تعلمني الأدب؟”.. وعلاء: “هـ علمك الرجولة”

الربح من الانترنت استغل وقتك واعرف ازاي تكسب فلوس في البيت