لماذا يأكل المسلمون في الصين لحم خنزير؟ اعرف السبب

الصين أكبر دولة في العالم فيها مُلحدين، ولو كنت مؤمن بأي دين فأحسن لك ما تروحش تعيش هناك عشان مش هترتاح.

من أول شهر فبراير الحالي بـ تحتفل الصين برأس السنة الصنينة، اللي هي “السنة القمرية”، وبـ يكون في مهرجانات واحتفالات كتير في الصين.

المسلمين في الصين أكلوا لحم خنزير وشربوا خمور — المسلمون في الصين أكلوا لحم خنزير وشربوا خمور

في تقارير إعلامية من مصادر مختلفة منها إذاعة “آسيا الحرة”، قالت إن الحكومة الصينية أجبرت المسلمون في الصين، اللي عايشين هناك على أكل لحوم الخنزير وشرب الخمور لـ المشاركة في الاحتفالات بـ رأس السنية القمرية.

طبعًا لحم الخنزير والخمور من المُحرّمات عند المسلمين، فـ الموضوع كان صعب، وواجه انتقادات كتير.

وطبعًا لأن أمريكا مش بـ تحب الصين وبينهم مشاكل كتير، استغلت الواقعة، وركزت عليها.

ونقلت محطة “آسيا الحرة” التي بـ تديرها الحكومة الأمريكية عن أحد السكان المجهولين على موقعها الإلكتروني كلامه عن إن بعض الناس اضطروا من السنة اللي فاتت لـ أكل لحم الخنزير، عشان يقدروا يـ شاركوا فيي الاحتفال بـ مهرجان رأس السنة الصينية.

مش بس كدا.. في تقارير إعلامية قالت إنه في أكتوبر اللي فات في مسؤولين في عاصمة شينجيانغ “أورومتشي ” أطلقوا حملة ضد منتجات الحلال، اللي هي بـ تكون مخصّصة لـ “المسلمين”.