فشلت في كل المشاريع اللي دخلتها؟ مش عارف حتى تبدأ أي شغل أو أي سبّوبة؟ خلاص ما بقاش قُدامك غير انك تبقى شريك نجيب ساويرس.
الموضوع مش صعب ومش محتاج ثروة ضخمة، بـ نص جنيه بس هتبقى شريك أغنى راجل في مصر.
بس إزاي الكلام ده؟
عن طريق البورصة، اللي ممكن تشتري فيها أسهم بأي سعر انت تحبه.. في أسهم بـ توصل لـ2 جنيه، ولحد 50 قرش تقريبًا!
شارك: محتاجين رأيك.. لو ماكنتش مصري، كنت هتيجي تزورنا؟
كل يوم خميس في حوالي 40 سهم أسعارهم 2 جنيه وأقل بـ يتم التداول عليهم زيهم زي باقي الأسهم، وبـ مجرد إنك تشتري السهم أبو 2 جنيه أو نص جنيه، هـ تبقى شريك في الشركة الي بـ تبيع سهمها، حتى لو كانت شركة أوراسكوم للاستثمار اللي بـ يمتلكها نجيب ساويرس.
رئيس البورصة محمد فريد بـ يقول إن التداول على الأسهم دي مهم، لأنه بـ يبقوي التداول وبـ يعمل سيولة في سوق الأسهم.
Comments
Loading…