حبيبيك بيخونك؟ معلش.. سما المصري هتساعدك في الفيديو ده

حبيبيك بـ يخونك؟ معلش مشكلة كبيرة، بس انتي مش لوحدك على فكرة، الخيانة بقت أمر واقع للأسف في حياتنا، وبـ تاخد أشكال وطُرق كتير.

راغدة شلهوب استضافت سما المصري في برنامجها اللي بـ يتذاع على قناة الحياة، وقعدوا يـ تكلموا في حاجات كتير لحد ما وصلوا لـ موضوع الخيانة.

راغدة سألت سما المصري عن لو كانت اتعرضت لـ الخيانة قبل كدا ولا لأ…

سما قالت لها إنها ما كشفتش أي خيانة قبل كدا، وكملت كلام وقالت إنها حتى لو كانت عرفت في أي وقت إنها اتخانت ماكانتش هـ تخون!

ووضحت أكتر وقالت: “أنا مردش الخيانة بالخيانة لأني ست طبيعية ماعنديش مشاكل نفسية، بس ممكن أنتقم، وأضرب وأشتم، أو أكسحه خالص”.

سما المصري قررت كمان تنصح باقي الستات اللي بـ تتخان، وقالت:” أوعي تردي الخيانة بـ خيانة، انتي تجيبيه وماتخليهوش ينفع لا راجل ولا ست”…

وكملت: “تاخديه مقص وتجيبيه نصين بالطول مش بالعرض، وماتعشميش نفسك قوي أنه مش ممكن يخونك تاني.. الراجل مِزواج وربنا عارف عنه كدا، عشان كدا قاله ٤، وتلاقي شاب لطيف يطلع يقولك وما ملكت أيامنكم.. عليا الأيمان مافيش راجل خاين وراجل مخلص، في راجل تم اكتشاف خيانته وراجل لسه.. اسمعوا الكلام يا ستات، هاتيه نصيييين بس بالطول مش بالعرض.. بوظيله رجولته عشان يعامل كل الستات بعد كده كإخواته البنات”.