الصين تمنح البنات اجازة عشان يلاقوا عريس!

في الوقت اللي بتواجه فيه البنات في مصر حملة كبيرة اسمها “خليها تعنس” أطلقها الشباب اللي مش قادرين على مصاريف الجواز الضخمة، هنلاقي مثلا بلد زي الصين وفي الوقت نفسه بـ توفر للبنات الموظفات اجازة لمدة أسبوع عشان يلاقوا عريس!

اقرأ أيضًا: “خليه في حضن أمه”.. كيف ردت الفتيات على “خليها تعنس”؟

كل سنة بـ تحتفل الصين برأس السنة الخاصة بيها، واللي اسمها “السنة القمرية”، طبعًا لأنها طبقًا لحركة القمر، فـ تختلف عن السنة الميلادية.

يعني السنة اللي فاتت كانت السنة القمرية بدأت يوم 16 فبراير، لكن السنة دي بدأت يوم 1 فبراير اللي فات.

في عادات كتير مرتبطة بالسنة القمرية الصينية، أبرزها الإجازة اللي بـ تمنحها الحكومة الصينية لـ البنات الموظفات اللي شغالين في مناصب مش كبيرة، وده عشان البنات دي تعرف تـ لاقي الزوج المثالي براحتهم!

الإجازة دي اسمها “الميعاد الغرامي” ومش لـ أي بنت في الصين، وشروطها ان البنت تكون عزباء، ما اتجوزتش قبل كدا، وماتكنش لسة صغيرة، بـ معنى انها تكون في سن العنوسة، اللي هو بيكون عند سن 35 تقريبًا، وهو السن المتعارف عليه لـ العنوسة في الصين، وعندنا كمان في مصر على فكرة!

شاهد أيضًا: صور: نجمة الإغراء في أفلام التسعينيات وصديقتها قرروا يخلعوا الحجاب!

وكانت صحيفة “ساوث تشاينا مورننغ بوست” قالت إن شركتين في مدينة هانغجو الصينية هـ يمنحوا الموظفات اللي مش بيقوموا بـ أدوار مهمة أو رئيسية في شغلهم عطلة تُسمى بـ”إجازة ميعاد غرامي”.

وتستمر الإجازة دي لحوالي 8 أيام، بـ الإضافة لإجازة رأس السنة القمرية والتي بـ تستمر  7 أيام.

معلومة مهمة كمان لازم تعرفها، الصين بـ تواجه زيادة في عدد الفتيات اللي وصلوا لـ سن الجواز (منتصف الثلاثينيات)، ولسة ما اتجوزوش.

وبـ تقول الإحصاءات إن الزيادة في نسب العنوسة جاية نتيجة تركيز البنات على شغلهم أكتر من حياتهم الاجتماعية.

الحكومة الصينية بدأت تقلق وتحس بـ الخطر على المجتمع، رغم انهم أكبر شعوب الأرض من حيث عدد السكان!