fbpx

واقعة صادمة… طرد حامل وابنتها من قطار لهذه الأسباب!

في العاصمة السويدية ستوكهولم واجهت واحدة ست حامل مع بنتها موقف صعب جدًا، بسبب أنها ماكانتش لاقية تذكرة القطر، وقرر الأمن انه يطردها بـ العافية من عربية القطر.

المشهد صعب قوي، خصوصًا ان الأمن اتعامل مع الست بـ عنف وكأنها مش حامل!

وكل ده حصل قدام بنتها اللي ماكملتش 5 سنين، وقدام كل رُكاب العربية، وحاول الأمن انهم يخلوا الست تقعد غصب عنها على كراسي الانتظار في المحطة.

الست حست بالتعب بعد العنف اللي شافته، وراحت المستشفى أكتر من مرة عشان تتأكد ان جنينها لسة بخير وماحصلوش حاجة.

الصعب كمان في الفيديو ان طول ما الست بـ تحاول تفلت من إيد رجال الأمن، كانت بنتها بـ تصرخ وتعيّط من اللي بـ يحصل.

الفيديو طبعًا انتشر على معظم مواقع التواصل الاجتاماعي طول الساعات اللي فاتت، وفي ناس في أوروبا طالبوا بعمل مظاهرات ضد الواقعة.

ومن ضمن التعليقات اللي اتكتبت عن الواقعة: (شوفوا إزاي بـ يعاملوا الأشخاص السُمر، التصنيف العرقي لسة مستمر في السويد).

السويد خافت على سمعتها، وقررت تحقق مع رجال الأمن اللي علموا كدا مع الست السمرا.

مش بس كدا، كمان مسؤول في هيئة النقل السويدية قال إن رجال الأمن اتصرفوا بـ شكل غلط مع الست الحامل .

شوف الفيديو هنا: