لوز ونسكافيه وقرآن… رانيا يوسف تحكي عن حياتها من جوه بيتها

قررت الفنانة رانيا يوسف استغلال الانتشار الإعلامي اللي بـ تعيشه حاليًا، خاصًة بعد أزمة الفستان والبطانة، وهـ تقدم لنا برنامج اسمه (More about Rania)، بـ تحكي فيه عن نفسها وحياتها اليومية.

البرنامج مش هـ تشوفوه في التليفزيون، لأن رانيا بـ تذيعه على قناتها على يوتيوب.

من يومين قدمت رانيا أول حلقات البرنامج الجديد، واتكلمت فيه عن روتينها المُعتاد وإزاي بـ تبدأ يومها.

خلال الحلقة الأولى، قالت رانيا إنها متعودة تصحى الساعة 8 ونص، وتبدأ يومها بـ القراصيا، واللوز، وكوباية النسكافيه، وبعدين تقعد ساعة ونص عقبال ما تفوق وتاخد شاور، وتتابع تليفوناتها، وبعدين تتحرك.

رانيا بـ تحب كل يوم تشغل إذاعة القرآن الكريم شوية، وبعدين تحول على إذاعة الأغاني عشان تغيّر مودها.

شاهد الحلقة هنا: